الشاعر اسماعيل مصطفى المحامي

حرف وشيشة*
اسقينى شايك يا معلم
رص حجر شيشة كمان
أنا ناوى أشرب وأتعلم 
واسقيك العطر الولهان
واكتب لك حرفى وأسلم
وارفع لك راية الجدعان
أنا عاشق والروح تتكلم
هات نفسك بطل توهان
مش إنت يا حامد تتكلم
تحكى لى شوق الحرمان
د الحرف تقوله يتعمم 
يلبس جبه مع قفطان
وإن شافك محمود هيسلم 
وينادى جميع الجدعان
خالد دكتورنا بيلملم 
على حجر الشيشه التعبان
ويغازل حرفك ويكمم 
وحروفك تصحى وهتبان 
وأبو طه يسمى ويتمتم 
وينادى الحرف الحيران
مكاوى محمد شعللها 
اعمل ضليلة وتعريشه 
هات شايك وتعالى نهمهم 
وبحجر الشيشه النعسان 
حط لنا السلوم وحشيشة 
واسقينا نعيش الروقان
فنجان القهوة مع جريشه 
سمعنا حروف التعبان
وانا عاشق للحرف وشيشه 
مشتاق اسمع فيك ألحان
مسى لى يا عمنا على بيشة
بلد العشق تزيد روقان
هات منه حجرين الشيشة
خلينا بالحرف نبان 
واكتبنا فكه مع دشيشة 
نعطيها لكتكوت عثمان
مانا حرفى تايه ف الفيشة 
وحرفى من نار الدخان
وكفاية شرب مع بيسة 
لتروح ف أبو نكلة يا سلمان 
خلينا نقضيها عسيسة 
نكتبها حروف للعطشان 
والراوى يمسك بالشيشة 
وحروفه تروح للغلبان 
حرف وشيشة * بقلمى/إسماعيل مصطفى المحامى والشاعر.بلبيس.شرقية.مصر