الشاعر/ أحمد الشاذلي .. الصبر لُهْ حَدُّهْ ..

( الصبر لُهْ حَدُّهْ  )
                       ـــــــــــــــــــــــــــــــ
                    ما تجيش  علينا  كدا  دا الصبر لُهْ  حَدُّهْ
                   كُل اللى  عن  حدُّه  زادْ يقلبْ إلى   ضِدُّهْ        
                   شوفْ رَدِّ فعل  القرارْ شوفْ أصْلُه من فَصْلُهْ      
                   لَوْ كَانْ    حبِيبَكْ  عَسَلْ ما تِلْحَسُوشْ كُلُّهْ
                  إزَّاىْ بَقَى  نُورْ عنِيكْ  إِحْنَا     وِبِتْغَلِّلى
                    أسْعَارْنَا  نَارْ فَجَّرِتْ  مَرَارِتْنَا كَامْ مِللِّى
                    قَلْبِ  الحَجَرْ ينْفَجَرْ مِ اللِّى  بِيِحْصَللِّى
                    أنَا شَعْب ثَوْرِةْ تَلا تين سِتَّهْ  يَاخِللِّى
                   حَ لاقِيهَا  مِنْ دَاعِشْ الإخْوِانْ أوْ مِ اللِّى
                  عَامْلُهْ الفَسَادْ فى البِلآدْ بَرْطَعْ عَلى كِيفُهْ
                  سَرَطَانْ شَبَعْ طَبْطَبَهْ  عَنْتَرْ شَايِلْ سِيفُهْ
                  شَعْبَكْ يِعَافِرْ  وِيِصْعَبْ حَالُهْ عَ الكَافِرْ
                 مُوتْ شَرْعِى جُوَّهْ البَلَدْ غِيرْشَرْعِى لَوْ هَاجَرْ
                 وِالْكُلْ مَاشِى يكَلِّمْ  نَفْسُهْ    فى الشَارِعْ
                  والحُزْن عَشِّشْ كِنِيسَهْ وبِيتْ وفى الجَامِعْ
                 يا (سيسى) طِيبْتَكْ مَعَ الخِرْفَانْ ما هِشْ نَافْعَهْ
                قَبْل البَلَدْ    مَاتُقَعْ  اقْطَعْ    رَاسْ   الأفْعَى
                قُلْنَا حَ نَاكُلْ  بِدُقَّهْ     رَفَعُوا   أسْعَارْهَا
                طَبْ نِعْمِل  ايهْ   قولْ لِنَا فى العِيشِه وِمَرَارْهَا
              ولإمتَى  شَعْبَكْ   يعَانى  فَقْر وأنِيمْيَهْ
              حَتَّى الزِبَالَهْ    مَا  عَادِتْ زَىْ  مَا هِيَّهْ
               أنَا مَصْرِى قُوللِّى أمِدْ إيدَيَّهْ ليهْ  للغِيرْ
              وِمَصْر فيهَا كُنُوزْ  (قارونْ)وأُم  الخِيرْ
              عَايْزَهْ أجِنْدَهْ  ونَظَرْ مُسْتَقْبَلِى  وتَفْكِيرْ
               نَابْ الدِيَابَهْ  بِيِنْهَشْ  فى الغَلابَهْ نَهْش
              شوفْ كَامْ  شَهِيدْ وَدَّعُوا وِفْ كُلْ يُومْ كَامْ نَعْش
             زَمْجَرْ وِكَشَّرْ وِطَهَّرْ  كُلِّنَا   جَنْبَكْ
             اللِّى قتَلْ  يِتْقِتِلْ