الكاتبة ولاء ايمن

شايف حاله
للكاتبة ولاء أيمن 
كل الناس بتقولي لذيذ
بس يا سكر ده تهيس
مفكر نفسه الباشا عزيز
شاطر جدا في التدريس 
وعلي أخطاءه عامل تلميذ
جايز دمه حلو يجوز
خدني لعالم برة الفيس
يمكن جوه فـ أصله عزيز
وفـ أحلامي يشبه قيس
وإني قارنت ما بينه وبينهم
كان الفرق مالوش مقايس
عايش وسط حطام الدنيا
بس تحسه في روما ..باريس
بفخر إنه في قلب حياتي
وإنه ليلاتي حصص تدريس
أنا تلميذه فـ فصل حياته
كل وظيفتي أملا الكراريس
وأغرف أنا من كل تجاربه
و أملا وريدي تقول تكديس
دا ولا عنتر بين جبروته
فاق إقناعه كمان إبليس