الشاعر/ موسى سعودي
نفسي اهرب
بس عارف إني مش ليه ملجأ
مافي حضن ينفع يكون ليه مخبأ
غيرك إنتي
ياللي إنتي
ماعمريش خفت منك
ولا عمري زهدت ضلك
ولا سقعني يوم برد بردك
ولا جريت استخبي من حر شمسك
إنتي بس اللي اقدر اقولك
خبيني منك. ..بس عندك
وانتي برضه اللي مهما جعت
مهما جعت........فيكي..
شبعي عندك..
ومهما تعرى بدني. .واتكشفت
غطايا وستري منك...
بس ساعات كتيره..بكز على سناني عليكي
منك...والله منك
وبشتم وبصرخ
وكتير بخبط برجلي على صدر أرضك
برضه منك...
أقولك....كتير كتير دمعتي كتير..
ببكي بيها عليكي..برضه. .
منك...
قلتلك...كتير ماتكسليش
قلتلك...كتير ماترحميش
إللي بيولع قلبك علينا
ماتفرطيش في حق عليكي لينا
إنتي شايفه مين بيدبروا القتل فينا
وبينفذوه...
كل يوم في اهالينا
كسلك ورجفتك..
وخوفك من ردة فعلتك فيهم
على لسان أعادينا
حيكتر بلاوينا..
ياستي يام الصبر والصابرين
كفايه بقى صبرك على اعادينا
حتهلكينا والمصحف..
وحتخسرينا
وحتخسري انتي..والمصحف..قبلينا
أقولك....ريحينا...
واضربي ولا يهمك..
رقابي إللي غدروا بينا
كفايه دمانا اللي سالت بقى
ودموع اهالي اللي اتقل منا فينا
اسعفي في القصاص بقى
لجل ترضينا
لجل تحيينا
وتريحينا
خلصينا بقى..خلصينا
لجل تحمي نفسك..
وتحمينا..
موسى سعودي.... ابنك يامصر
تعليقات
إرسال تعليق