الشاعر/ كمال البنا
قصيدة/ كان ليه ازاى قوليلى بتقدرى زى الشيطان تتغيرى٠
وازاى كمان بتكذبى ولكذبك كمان بتصدقي ٠
ازاى قلبى أللى حبك قدرتى يوم تجرحى فيه٠
مش دة القلب اللى ياما حلفتى انك تخلصى ليه٠
كان ليه الغدر ليه كان ليه الجرح ليه ٠
يعنى ايه اسيبك والابتسامه مرسومه عالشفايف٠
ارجع وألاقى عيون بتبكى والاقى قلب خايف ٠
عشت ليكى عمرى كله ونسيت عشانك ذكرياتى٠
قولت يمكن الاقى فيكى شئ يغير لى حياتى ٠
كان ليه الغدر ليه كان ليه الجرح ليه ٠
خلاص ياقلبى هكتب بايدى كلمة الوداع ٠ مش هتفرق كتير مين اشترى ومين اللى باع ٠
يمكن أكون أنا أللى أسأت فى البداية الاختيار ٠
واكيد بايدى هخلى ليل حياتى يبقى كله نهار ٠
كان ليه الغدر ليه كان ليه الجرح ليه ٠
أوعدك أنك راح تندمى على حبى أللى راح٠
أوعدك كمان راح ترجعى وتطلبى منى السماح٠
دا السماح دائما بيكون بس بين الأحباب ٠
وانا قلبى من كتر العذاب عن حبك انتى تاب ٠
كان ليه الغدر ليه كان ليه الجرح ليه
يمكن كمان ابعد بعيد واعيش فى الدنيا وحيد٠
جربت فيها الحب مرة طلع معايا حلاوته مرة ٠
ياريت ياقلبى تنسى كل أللى فات ٠
وتنسى الحب والاهات كمان الذكريات ٠
كان ليه الغدر ليه كان ليه الجرح ليه ٠
شعر/كمال البنا ١٧/ ٧ / ٢٠١٩
تعليقات
إرسال تعليق